Lex 5: Eten un Drinken
Dat sühst du op düsse Siet
Paul un Emma hebbt tosamen inköfft, se wüllt för ehr Familien Spaghetti un Salat maken. Vörher hebbt se de Köök oprüümt. Dor staht feine Blomen, de hett Paul Emma schenkt. Wat hebbt se nich allens köfft – Broot, Bananen, Melk, dat passt meist gor nich in de Tüüt, so veel is dat. Dat weer swoor!
Snacken över dat Bild
So kunnen Fragen to dat Bild utsehn. Wat kunn een dorop antern?
| Wat sühst du op dat Bild? | Ik seh … | |
| Woneem sünd Paul un Emma? | De staht in de Köök … | |
| Wat steiht bi den Heerd? | Bi den Heerd steiht en Bloom, … | |
| Wat steiht op den Heerd? | Op den Heerd steiht en Putt ... | |
| Wat sühst du in dat Schapp? | Ik seh Glääs, … | |
| Wat maakt Paul un Emma? | Paul un Emma leest dat Rezept. | |
| Wat hebbt se inköfft? | Se hebbt Wuddeln, … inköfft. | |
| Wat sühst du in de Inkoopstasch? | Ik seh Druven, … | |
| Wat meenst du, wat se kaakt/eet? | Se kaakt Spaghetti … | |
| Wat maakt Tüffel? | Tüffel fritt Hunnenkoken. |
Mitenanner snacken
Tohören
Do mal wat!
- Söök een, de geern Salat, Keesbroot, Melk, Pannkoken … itt.
- Vertell, wokeen bi jo tohuus kaakt – hölpst du mit?
- Maal, wat du an´n leefsten ittst!
- Vertell, wat för en Eten is gesund!
- Backt doch mal mit de Plattdüütschgrupp en Pizza! Hier is dat Rezept (op Platt!):
Spele, Leder, Riemels un Geschichten