Lex 15: Trurig un vergnöögt
Dat sühst du op düsse Siet
De meisten Daag sünd Paul un Emma vergnöögt. Wenn he bi‘t Footballspelen en Toor schaten hett, freut Paul sik. Wenn Emma to veel Huusarbeiten op hett, kann se ok böös warrn. Af un an is se trurig. Denn bruukt se en gode Fründin, de ehr bisteiht.
Snacken över dat Bild
So kunnen Fragen to dat Bild utsehn. Wat kunn een dorop antern?
| Wat sühst du op dat Bild? | Ik seh ... |
| Woans kiekt de beiden Jungs? | Se kiekt vergnöögt un ... |
| Wat för en Sport maakt de beiden? | Se speelt ... |
| Worüm sünd de annern Jungs bedrippst? | Se hebbt dat Speel ... |
| Woans kiekt Emma un ehr Fründin? | Se kiekt trurig ... |
| Wat maakt Emma ehr Fründin? | Se sitt op'n Grund un ... |
| Woneem is Tüffel? | Tüffel steiht ... |
| Woneem is de Katt? | De Katt sitt ... |
| Wat is mit den Vagel malöört? | De Vagel is ... |
| Wat schall nu mit den Vagel warrn? | De Kinner wüllt em ... |
Mitenanner snacken
Tohören
Do mal wat!
- Vertell, över wat du di hüüt freust!
- Vertell, wannehr du trurig weerst!
- Maal en Bild vun en kranke Deert!
- Gah mit dien Klass op den Karkhoff!
Leder, Spele, Riemels un Geschichten