Lex 17: In'n Elektroladen
Dat sühst du op düsse Siet
Paul un Emma staht in den Laden un warrt vun Modder knipst. Wat so en Plietschfon allens kann! Tüffel finnt dat richtig intressant. He süht nich mal de Katt op den Feernseher.
Snacken över dat Bild
So kunnen Fragen to dat Bild utsehn. Wat kunn een dorop antern?
| Wat sühst du op dat Bild? | Ik seh ... |
| Wokeen is in den Elektroladen? | Dor sünd Paul un ... |
| Wat kann een dor allens kopen? | Computerspele un ... |
| Wat maakt Emma? | Emma probeert ... |
| Wat kann een för de Köök kopen? | En Toaster, ... |
| Sühst du en Verköper? | Ja, de Verköper steiht ... |
| Wat sühst du för Programme op de Feernsehers? | Ik seh en Quiz-Sendung, ... |
| Woneem sünd Müüs to sehn? | Een Muus sitt bi ... |
| Woveel Klapprekner kannst du sehn? | Ik tell ... |
| Wat maakt Tüffel? | Tüffel ... |
Mitenanner snacken
Tohören
Do mal wat!
- Tell de Kopphörers!
- Lees de Tallen op de Priesschiller!
- Tell de Minschen, de du in den Laden sühst!
- Vertell, wat för Elektogeräte dat bi jo to Huus gifft!
- Överlegg, wat allens in de Köök steiht un en Steker hett!
Spele, Leder, Riemels