Lex 18: Anner Länner - anner Kulturen
Dat sühst du op düsse Siet
De Kinner in de Schoolklass kiekt sik de Weltkoort an. Villicht sünd welk vun jüm al mal in en anner Land ween. De köönt denn vertellen, wat dor allens anners weer un wat dat dor to eten geven hett.
Snacken över dat Bild
So kunnen Fragen to dat Bild utsehn. Wat kunn een dorop antern?
| Wat sühst du op dat Bild? | Ik seh ... |
| Wat maakt de Schölers un de Lehrerin? | Se sitt all ... |
| Wat steiht op dat Fensterbrett? |
Op dat Fensterbrett staht ... |
| Woneem is de Klappreekner? | De Klappreekner steiht ... |
| Wat maakt de Kinner dormit? | De Kinner kiekt na, ... |
| Wat för Flaggen op dat Bild kennst du? | Ik kenn de Flagg vun Sweden, ... |
| Wat swemmt in’t Water op de Landkoort? | En Schipp, ... |
| Wat lehrt de Kinner in düsse Schoolstünn? | De Kinner lehrt anner Länner kennen, ... |
| Wat sühst du, wenn du na buten kickst? | Ik seh den Rasen, ... |
| Woveel Kinner tellst du op dat Bild? | Ik tell ... |
Mitenanner snacken
Tohören
Do mal wat!
- Beschriev dien Klassenruum!
- Lees al de Tallen op de Tafel luut vör!
- Vertell, wat du för Länner kennst!
- Snack doröver, ut wat för Länner de Kinner ut de Klass kaamt!
- Överlegg, wat för Spraken in de Länner snackt warrt!
Spele, Leder, Riemels